Հայոց լեզու 10

Առաջ է մղվում մի մտայնություն, թե հերոսությունը ամենօրյա լուռ աշխատանքն է:
Եթե ամենօրյա լուռ աշխատանքը հերոսություն է, ապա դա այլ բան չէ, քան հերոսության «նշաձողի» իջեցում: Հասարակության մեջ արժեքներն ու դրանց վերաբերյալ պատկերացումները որքան պետք է լինեն դեգրադացված, որ առօրյա աշխատանքը, մասնագիտական գործունեությունը «հռչակվի» հերոսություն:
Կամ, գուցե դեգրադացնելու, լղոզելու, գլխիվայր շրջելու համար է, որ տեղի է ունենում հերոսության հենց այդպիսի շրջում: Անկասկած է, որ հերոսությունը ռազմահայրենասիրական պաթոսը չէ, այդ թեմայով մեծաբերանությունը չէ: Բայց մի ծայրահեղությունից չպետք է ընկնել մեկ այլ ծայրահեղության մեջ, կամ գցել հանրությանը՝ ասելով, թե պետք է վերանայվեն հերոսության մասին պատկերացումները, և հերոսությունը չպետք է ասոցացվի նահատակության հետ:
Այո, հենց նահատակության պատրաստ լինելու հետ է նաև, որ պետք է ասոցացվի հերոսությունը: Սա չի նշանակում, թե դրա տակ պետք է անպայման նկատի ունենալ հայրենիքի կամ պետության համար զոհվելը, բայց «զոհաբերման պատրաստակամությունն» է հերոսություն՝ լինի կյանքի զոհաբերման պատրաստակամությունը, թե որևէ այլ կարևոր ու թանկ բանի: Հերոսությունը պետք է պահանջի առօրյայից վեր առանձնահատուկ եռանդ, ջանք ու նվիրում:
Անկասկած է աշխատանքի արժևորման հույժ կարևորությունը, բայց դա չպետք է ուղղակի թե անուղղակի դրվի հերոսության հետ «հակադրության» մեջ:
Երբ հասարակությունը հերոսության «նշաձողն» իջեցնում է առօրեականության կամ պարզապես «պրոֆեսիոնալիզմի» մակարդակի, դա պարզապես լղոզում է թե՛ աշխատանքի, թե՛ հերոսության արժեքը:

1. 1-2 նախադասությամբ գրառիր՝ ինչ է հերոսությունը քեզ համար։

Հերոսությունը ինձ համար այն է, երբ մարդը պատրաստ է իրեն վտանգել կամ զոհել երկրի կամ ինչ-որ մարդու համար ;

1. Կարդա տեքստը, գնահատիր հեղինակի
   -մտահոգության արդիականությունը
   -տեքստի հիմնավորվածությունը (ինչ օրինակներ է բերում՝ իր ասածը հաստատելու համար)
   -հղումները՝ խոսքով (ինչ ասելով ինչ է հիշեցնում)
   -մեղմասացություններն ու գռեհկաբանությունների կիրառությունը (սա այն է, երբ կոպիտ է ասվում մի բան)
   -խոսակցական ոճին հատուկ արտահայտությունների ու խիստ գրական կամ օտար բառերի կիրառությունը
2. Գտիր հերոսության սահմանումն ըստ տեքստի հեղինակի

Նա կարծում է, որ հերոսությունը պետք է կապվի՝

զոհաբերության պատրաստակամության հետ,

մեծ ջանքի ու նվիրումի հետ,

առօրյայից վեր բարձրանալու հետ,

ինչ-որ թանկ բանի զոհելու պատրաստ լինելու հետ։

1. Համաձայնիր կամ հակադրվիր հեղինակի դրույթներին՝ հիմնավորելով խոսքդ, օգտագործելով խոսքում քո իմացած այն միջոցները, որ համոզիչ կդարձնեն տեքստդ։

Ես հիմնականում համաձայն եմ հեղինակի հետ, որովհետև ամեն աշխատա հերոսություն անվանելը ճիշտ չէ։

Եթե մարդը պարզապես կատարում է իր պարտականությունը, դա արժանի է հարգանքի, բայց ոչ միշտ՝ հերոսության կոչման։ Հերոս է նա, ով վտանգի պահին չի մտածում միայն իր մասին, այլ պատրաստ է օգնել ուրիշներին, պաշտպանել հայրենիքը կամ պայքարել արդարության համար։

1. Տետրում շարադրանք գրիր հերոսության քո պատկերացումների մասին։

.